CAGAYAN DE ORO CITY-Gisusi sa City Price Coordinating Council ang Bureau of Customs Port sa Mindanao Container Terminal, Tagoloan Misamis Oriental.
Tumong niini nga masuta kon kabahin ba ang ahensiya sa mihimo sa rice hoarding kon pagpanago sa bugas.
Matud ni City Price Coordinating Council head Atty Edgardo Uy nga nag-negatibo sa rice hoarding ang ahensya ug siya nagtoo nga gakahitabo ang pagpanago sa bugas sa mga negosyante.
Gitin-aw ni Bureau of Customs deputy collector Marvin Mison nga walay rice hoarding nga gihimo ang ilang ahensya.
Siya miingon nga nalangan lamang ang pag-release sa mga bugas sa miaging semana tungod sa nahitabong congestion.
Nagtoo si Mison nga ang rice traders lamang ang adunay kapas nga mohimo sa pagpanago sa bugas sa ilang mga bodega.
Samtang nabalaka usab si Uy nga mosaka ang presyo sa gulay sa syudad.
Siya miingon nga tungod sa pag-export sa mga utanon sa syudad padulong sa Metro Manila, dako ang posibilidad nga mahutdan sa suplay ang syudad.
Tungod niini, dako ang posibilidad nga momahal ang presyo sa mga utanon sa kamerkaduhan.
