CAGAYAN DE ORO CITY – Gipasalig sa Supreme Court officials nga dili na madugay ug magbaton na sa kaugalingong mga opisina ang Court of Appeals-Mindanao ug Cagayan de Oro City Hall of Justice sa dakbayan.
Kini ang gisulti sa SC officials dihang nasampit sa local media kon kumusta na ang plano sa katukuran sa bag-ong istraktura sa hall of justice kay nasunog sa Hayes Street,Brgy 40 sa syudad sa tuig 2015.
Gibutyag ni SC Associate Justice Jose Midas Marquez nga kamulo na ang pag-finalize sa plano sa katukuran sa bag-ong hall of justice ug dili na layo nga sunod tuig na kini masugdan.
Siya miingon nga tukuron usab sa SC ang kaugalingong CA-Mindanao building aron dili na mag-renta ang gobierno.
Dumduman nga sukad nasunog ang CdeO’s hall of justice sa Enero 31 sa gabii tuig 2015, temporaryo nabalhin sa city tourism hall ug kasamtangang nag-abang sa pribadong istraktura sa uptown sa dakbayan.
Hisayrang sa pagkasunog sa hall of justice sa maong tuig nga nagsugod sa ikaduhang andana niini, patay ang usa ka court employee ug ang sekyu nga naka-duty atol sa hitabo.
