CAGAYAN DE ORO CITY-Giawhag ni ARMM 1st District Assemblyman Zia Alonto Adiong nga itahan na sa MILF ang ilang mga armas ug manginabuhing normal ubos sa gobierno sa Mindanao.
Gihimo ni Adiong ang awhag dungan sa ilang gibating kalipay nga kulang na lamang sa pirma ni Pres Rodrigo Duterte ug hingpit nang balaod ang Bangsamoro Organic Law nga anaa sa kongreso.
Miingon si Adiong nga dugay na nila nga gihulat nga magbunga ang dul-ag 20 ka tuig nga paningkamot sa MILF aron matubag ang kawad-on sa nagkadaiyang tribu sulod sa mga lugar sa ARMM.
Nangayo’g 48 oras si Duterte aron ma-rebyo’g balik ang Bangsamoro Organic Law nga itugyan sa kongreso kaniya aron iyang mapirmahan ning semanaha.
Nasayran nga anaa sa 30-mil ka armas sa MILF ang ilang itahan nga kanhi nila nagamit sa pakig-giyera batok tropa sa gobierno sa nanglabay’ng katuigan.
