PC:PNP-10’s PIO
CAGAYAN DE ORO CITY-Detinado ang lider sa New People’s Army o NPA nga unang nadakpan ug nasamdan sa engkwentro sa Kitaotao,Bukidnon.
Kini human nakaggawas na sa hospital ang commanding officer sa Pulang Bagani Command Regional Operation Command Southern Mindanao Regional Committee nga si Elizalde Arcella Cañete aka Ka Jinggoy.
Matud ni PNP regional spokesperson Supt Lemuel Gonda nga giila nga most wanted person si Cañete tungod sa patong patong nga kaso nga iyang giatubang.
Siya ang nagsilbing successor ni Leoncio Pitao, alias Commander Parago nga unang napatay sa engkwentro.
Aktibo ang grupo ni Cañete nga nag-operate sa tri-boundaries ng Bukidnon,Davao del Norte provinces ug Davao City.
Hugot nga gibantayan sa kapolisan si Cañete sa Don Carlos Municipal Police Station.
