CAGAYAN DE ORO CITY – Nag-atubang na sa kasong pagsupak sa Comprehensive Dangerous Drugs Act of 2002 ang nagsilbing top priority drug personality sa Mindanao nga hiniusang gilusob sa PDEA Regions 13 ug 10 kuyog ang kapolisan sa Barangay Cabuan,Guinsiliban,Camiguin Province.
Kini human nakig-koordinar ang PDEA-Caraga’s Regional Special Enforcement Team sa PDEA-Northern Mindanao rason nga napasayon ang pagdakop sa suspek nga si Ruby Mapute Gerona,40 anyos nga lumad taga-Brgy Sangay,Buenavista,Agusan del Norte.
Saysay sa PDEA operating troops nga kuyog sa kapolisan sa probinsya, napalitan nila ang suspek sa katibuk-an nga 225 gramos nga gitoohang shabu nga dunay estimated market value nga P1.5-M.
Tungod niini,gikasuhan sa kasong kriminal si Gerona ubos sa Republic Act 9165.
Hisayrang ang Camiguin ang nagbinugtong nga probinsya sa Northern Mindanao nga nagsilbing drug-free sa pila na ka tuig.
