Malaumon ang mga drayber ug operator ubos sa Mindanao Express o MINDEX Transport Group nga mulurang ra ang sobra kamahal nga presyo sa lana sa kasamtangang sitwasyon sa ilang sektor.
Gipadayag ni MINDEX Chairman Dante Sudaria nga mapasalamaton sila sa gobyerno sa pagpaningkamot nga mahatagan sa ayuda ug subsidiya ang mga drayber ug operators nga naglisod karon tungod sa padayon nga pagsaka sa presyo sa lana.
Apan, dili matago ni Sudaria nga kulang ra gayud ang maong ayuda ug temporaryo lamang kini nga re-libo sa pagkabalda sa ilang normal nga kinitaan kaniadto.
Siya mitug-an nga grabe ang epekto sa pagmahal sa lana sa ilang mga drayber matag-adlaw ug halos wala na silay ma remit sa ilang pamilya.
Bisan pa niini, mas gipili gihapon nila ang mamasada matag-adlaw ug magserbisyo alang sa komunidad. Maoy gihulatan sa grupo ang long term nga solusyon aron dili lang sila taman sa pagsalig sa ayuda nga ihatag kanila sa gobyerno
