CAGAYAN DE ORO CITY – Nabawi sa hiniusang operasyon sa National Bureau of Investigation-10,Bureau of Internal Revenue ug PNP ang minilyong kantidad sa peke nga snow bear candies ug fake cigarrettes sulod sa duha ka warehouse diha sa Brgy Mohon,Tagoloan,Misamis Oriental.
Kini human gisilbi sa NBI ang search warrants batok sa mga negosyanteng Intsik nga nagpadagan sa maong mga bodega diin na-rekober ang ilegal nga mga produkto.
Miingon si Mohon Punong Brgy Francis Sabio nga wala na maabti sa mga otoridad ang mga negosyanteng Intsik apan pipila ka empleyado na lamang sa pagronda kagahapong adlawa.
Gibutyag ni Sabio nga dili pa matumbok ang enskatong kantidad sa maong mga kontrabando apan sigurado kini nga nagbalor sa minilyon.
Gihimo ang pagronda tungod sa reklamo sa mga tag-iya gikan sa kauluhan kay apektado ang ilang kinitaan sa mga peke nga mga produkto.
Nasayran nga ang maong mga kabtangan kuyog ang mga makina ang gikustodiya na sa NBI aron magamit nga ebedensiya pagduso’g kaso batok sa mga tawo nga nalambigit sa ilegal nga kalihukan.
