CAGAYAN DE ORO CITY – Nakompiskar sa hiniusang operasyon sa kapolisan ug pro-environmental groups ang illegal mining equipment sa duha ka magkalahing lugar sa Brgy Mainit,Iligan City.
Subay sa nakaabot nga impormasyon sa buhatan ni Police Regional Office 10 Director Brig Gen Jaysen De Guzman,maoy nakompiskar ang mining equipment nga nagkantidad sa 107-mil 400 pesos.
Siya miingon nga maoy nakompiskar sa Police Station 6 sa Iligan City Police Office,ICPO-ICMFC,Task Force Kinaiyahan,Community Environment and Natural Resources Office,Mines and Geosciences Bureau ug CEMO Quarry and Mines sa unang operasyon ang tag-unom ka rod mills ug stell rods,14 ka pump belts ingon man tag-usa ka voda machine ug spinning wheel.
Nabawi usab sa ikaduhang operasyon ang laing upat ka steel rods ingon man sa laing ikatulong paglusob ang tag-upat ka rod mills,steel rods ug spinning wheel.
Kasamtangang naka-kustodiyan maong mga kagamitan sa ICPO diin nakabase sa Camp Tinapoy sa Iligan City.
