CAGAYAN DE ORO CITY – Kutob na lang sa kasub-anan ang pamilya sa 15 anyos nga lalaki nunot sa wala damha nga kamatayon niini sa suba sa Brgy Kausawagan ning syudad.
Kini nunot sa pagkaligo niini apan giingong gikapakog sa biktima ang ulo sa iyang usa sa mga gikasabay’g kaligo samtang mihimo’g pag-dive hinungdan sa pagka-missing.
Gilayong nangayo’g tabang ang mga residente sa mga sakop sa Philippine Coast Guard ug Oro Rescue aron makit-an ug maluwas nga buhi ang biktima.
Apan kasubo na lang ang gibati sa pamilya ug mga higala niini kay patay na kining nahaw-as gikan sa suba.
Gitinguha pa nga luwason sa mga doktor kay gidali pagdala sa ospital apan pakyas nang madugtungan ang kinabuhi niini.
(Picture:Kagawad Roger “Jun-Jun” Abaday)
