CAGAYAN DE ORO CITY – Gipangita sa kapolisan ang gitumbok nila nga persons of interest o POI pagpusil-patay sa 17 anyos nga trabahante sa motorshop sa Brgy Solana,Jasaan,Misamis Oriental.
Giila ni Police Staff Sgt Kent Castil sa Jasaan Police Station ang biktima nga si Joshua Sumilang nga nagpuyo sa maong lugar.
Subay sa inisyal nga imbestigasyon,dunay nagpatoo nga mopalit apan sa pagkalipat sa biktima kalit kining gipusil gamit ang kalibre 9mm pistol sa makadaghang higayon hinungdan sa kamatayon niini.
Gitoohan nga mistaken identity ang hitabo kay walay bisan unsa nga atraso ang biktima nga gihimuan sa kremin.
Nagbaton sa daghang igo sa lawas ang biktima hinungdang namatay kini samtang gidali’g dala sa ospital kagahapong adlawa.
