CAGAYAN DE ORO CITY – Napalgan apan patay na ang minor de edad nga lalaki nga unang nalumos sa pagkaligo’g dagat sa Purok 3, Brgy Dampil, Lagonglong, Misamis Oriental.
Giila ang biktima nga si Mel Ian Jabagat Bagongon,16 anyos nga nagpuyo sa lugar.
Una nang na-missing sa pila ka adlaw ang biktima apan nakit-an ang patay’n lawas niini sa usa ma mananagat sa lawod sa Brgy Looc,Salay ning lalawigan kagahapon sa kadlawon.
Kutob na lang sa kasub-anan ang pamilya sa gidangatan sa biktima ug gihatagan sa ensaktong pagpahiluna.
Hinoon,nagsulti ang mga personahe sa Lagonglong Police Station nga wala sila’y nakitang foul play sa kamatayon sa biktima.
