CAGAYAN DE ORO CITY – Mi-resulta sa kamatayon sa 13 anyos nga batan-ong lalaki ang pagka-rambola sa duha ka gang sa mga menor de edad sa Gaston Park,Brgy 1 ug nagka-ginukdanay hangtod sa dalang Corrales ning syudad.
Giila ni Police Chief Master Sgt Feliciano Belhot sa Cogon Police Station ang biktima nga si Nathaniel Ebalang nga taga-Ramonal Village,Brgy Camaman-an ning dakbayan.
Subay usab sa nakasaksi nga nabulag sa grupo ang biktima hinungdang maoy nasapon sa mga suspek diin nahiagum sa kulata,pagbunal sa tubo,pala ug ayha gidunggab.
Samtang gibatikos usab sa pipila ka social media netizens ang mga tawo nga anaa sa palibot nga kutob lang sa pagtan-aw ug walay nangahas pagdali’g dala sa biktima sulod sa Northern Mindanao Medical Center nga unta tungod ra ospital ang pang-hitabo.
Nasuta nga maoy nagka-engkuwentro ang gang Soy Shit Dem kinsa grupo sa mga suspek ug Kaibigan Lang Po diin nasakop ang namatay’ng biktima.
