Gikuwestiyon nila Minority Floor Leader Councilor Agapito Eriberto Suan ug Kagawad Imee Moreno kung unsa ang rason nganong wala sila hatagi bisa’g usa ka chairmanship, sa 28 ka mga komitiba nga naglangkob sa standing committees ning syudad.
Bisan pa sa ilang pagka-opisyal nga miyembro sa konseho, ilang gibati nga wala sila taga-ig patas nga representasyon sa mga komitiba nga nagdumala sa dagkong aspeto sa lokal nga pamalaod.
Ang ilang reklamo nagpakita sa pagkabahin sa politika ug posibleng intensyon sa paglimita sa ilang impluwensya sa mga desisyon sa konseho.
Gisegundahan ni Kagawad Moreno ang klaripikasyon nga giisa ni Kagawad Suan.
Si Moreno namugos nga dili maki-angayon nga ipadayon ang tradisyon nga dili sila hatagan sa chairmanship sa komitiba.
Mahinumduman nga sa naglabay nga konseho, si Moreno, nga anak ni kanhi Mayor Oscar Moreno, gipahawa pa sa duha ka komitiba nga iyang gihuptan isip chairman.
Ang hitabo nagdugang sa tensyon ug emosyonal nga reaksyon sa sesyon.
Kagahapon, gipadayag sa oposisyon nga dakung hagit kanila – ilabe na – ang sayo nga pagpihig sa ilang tingog sa konseho, apan misaad nga ipadayon gihapon nila ang pagtabang sa katwhan taliwala sa mga paghikaw.
Ning tuiga, tolo ra ka konsehal ang naglangkob sa minorya sa konseho. Sila gilangkoban nila Kagawad Suan, Moreno ug Yenonna Yacine “Ivy” Emano.
