CAGAYAN DE ORO CITY – Nagbahad ang minoriya nga kasuhan sa DILG ug korte ang naglangkob sa 20th council sa dakbayan.
Kini human pugsanong gihataga’g committee chairmanships ang ex-officio members nga sila si ABC Federation Pres. Kag Alam Lim ug SK Federation Pres. Kag John Michael Seno sa pagbukas sa unang sesyon kagahapong adlawa.
Miingon si Kag James Judith,lider sa minoriya nga klaro kaayo sa mga decide cases sa Korte Suprema nga did-an ang ex-officio members nga maghupot sa regular committee chairmanships inay angay kini mahatag sa duly elected officials sa miaging piliay sa dakbayan.
Samtang wala sa tono ug walay koneksyon ang gihisgutan nga Supreme Court jurisprudence ni Judith nga nagkuwestiyon sa paghatag chairmanships sa duha ka ex-officio members sa konseho sa dakbayan.
Kini ang depensa ni Kag Ian Mark Nacaya,lider sa mayoriya sa konseho kabahin sa punto sa oposisyon.
Miingon si Nacaya nga dunay legal opinion ang DILG sa maong isyu nga mahimong mahatagan sa katungdanan ang ex-officio members kon anaa nalatid sa ilang gipatuman house rules and procedures.
Dugtong niini,gisugyot ni Cabanlas nga ihunong na ang pagtuki sa maong isyu atubangan sa publiko.
Gihimo ni Cabanlas ang baruganan nunot sa nagabhian nila nga regular sesyon kon kinsa nga proposal house rules and procedures ang angay sundon sa liderato sa konseho.
Miingon si Cabanlas nga managsama nga may punto ang duha ka panig apan labing maayo nga kini sulbaron nga sila-sila ubos sa tukuron nga komitiba alang niini.
Samtang nanganti ni Rodriguez nga kuwestiyonon ang halos paghurot sa mayoriya pagkuha sa dagkong mga komitiba sulod sa konseho.
Kini human nagduble-doble na ang mga komitiba sa mayoriya samtang bugtong si Kag Yvy Emano lamang ang gi-respetaran nga gihataga’g committee on arbitrarion.
Miingon ang bise-mayor nga dili sila makauyon niini hinungdang lauman ang laing init nga sesyon sa sunod semana.
