CAGAYAN DE ORO CITY-Gikustodiya una sa Tahanan ng Kabataan ang 13 anyos nga suspek nga unang gimando sa korte nga ipadakop tungod sa 2 counts sa rape with sexual assault.
Giila ni Sr/Insp Demver Vergara, hepe sa Carmen Police station ang suspek sa alyas Ronald,molopyo sa Karinugan,Brgy Balulang ning syudad.
Giisyu ni Hon Judge Richard Mordeno RTC Branch – 22 ang arrest warrant sa suspek ug mahatagan lamang sa temporaryong kagawasan kung mabayran niini ang iyang piyansa nga balor P120-mil sa kaso.
Hinoon, wala na misukol ang suspek sa mga operatiba atol sa iyang pagsikop.
Hisayran nga usa ka lalaki nga menor de edad gihapon ang mipasaka kaniyag kasong pagpanglugos.
