CAGAYAN DE ORO CITY, Philippines – Sugdan ning adlawa ang misa ug walay hunong nga prayer vigil alang kang Santo Papa Francisco.
Gikompirmar sa The Holy See Press Office nga stable ang kondisyon sa panglawas sa Santo Papa ug gipakatulog sa iyang doktor tungod sa paghambin sa bilateral pneumonia nga maoy hinungdan sa iyang trangkaso, gahi nga ubo ug kalisdanan sa pag-ginhanwa.
Dinhi sa Pilipinas, gimando ni Apostolic Nuncio to the Philippines – Archbishop Charles John Brown kang Manila Archbishop Jose Cardinal Advincula ug Cebu Archbishop Jose Palma nga mulusad sa lapad nga prayer vigil alang sa kaayuhan sa 88 anyos nga santo papa.
Mahinumduman nga adunay gitangtang nga bahin sa iyang tuong baga dihang nagpangidad pa kinig 20 anyos tungod sa impeksyon sa iyang respiratory tract o agi-anan sa hangin sa baga tuig 1957 didto sa Argentina.
Una niini, gikompirmar ni Fr. Greg Gaston, Rector sa Pontificio Colegio Filippino sa Rome nga dili pa tukma ang panahon aron hisgutan ang sunod nga mupuli kaniya kay dakung buhi pa ang Santo Papa.
Iyang gikompirmar nga niadto pa gitin-aw ni Pope Francis nga wala siyay laraw magresign sa iyang katungdanan sa Simbahang Katolika taliwala sa iyang balatian
