Namahayag si Jade Adeser, City Information Officer nga kompleto ang team nga nagbantay sa usa sa labing sikat nga religious site sa syudad sa Cagayan de Oro.
Lakip sa gimuntar ang mga medical teams nga andan sa hinanaling pagresponde panahon sa emerhensiya. Gawas niini, sa baba nga bahin sa Shrine adunay mga pulis ug barangay force multipliers nga mag-inspection sa mga dala sa mga tawong mukatkat bungtod.
Subli, nagpadumdum si Adeser nga bawal ang mga mahait nga hinagiban, makahubog nga ilimnon, illegal nga druga, ug over night stay sa sagradong lugar.
Gi-awhag ang tanan mubaktas pasaka sa shrine nga ipatunhay ang kahilom agig respeto sa mga peregrino nga gapamalandong sa katorse ka istasyon sa krus.
