Gipahugtan karon sa kagamhanan sa Misamis Oriental ang ilang mga entry point aron masiguro nga magpabiling luwas ang lalawigan batok sa hulga sa African Swine Fever (ASF).
Subay sa pamahayag ni Dr. Benjamin Resma, Provincial Veterinarian, hugot nga gipatuman ang pag-inspeksyon sa mga baboy nga mosulod gikan sa ubang mga probinsya aron malikayan ang pagbalik sa maong sakit.
Lakip sa ilang gihimo nga lakang mao ang padayon nga pagkuha og blood samples sa mga kahayupan aron mapamatud-an nga walay presensya sa ASF sa ilang dapit.
Kini nga inisyatibo kabahin sa gimando ni Gobernador Juliette Uy nga tuyo gyud nga maprotektahan ang lokal nga industriya sa pagbaboyan sa probinsya.
