CAGAYAN DE ORO CITY – Walay laraw ang usa ka Misamisnon nga mubiya sa Libya.
Kini taliwala nga giisa sa Department of Foreign Affairs kon DFA ang alert level 4 nunot na sa nagpadayong gubat-sibil sa maong nasud.
Sa pakighinabi sa Bombo Radyo Roxas kang Bombo international correspondent Mary Arlene Zarate-Flores, iyang gibutyag nga layo ra ang gubat sa ilang nahimutangan.
Siya miingon nga kapin libo kilometros ang gilay-on sa Tripoli padulong sa Tubrok.
Si Flores, lumad nga taga Kimaya, Jasaan, Misamis Oriental, ug kasamtangang nagtrabaho isip nurse s Tobruk Medical Center.
Gi-ampo ni Flores nga mahimong luwas ang mga pinoy nga nanarbaho sa capital City sa Libya.
