CAGAYAN DE ORO CITY – Panguluhan ni Brig Gen Michelle Anayron ang mga sundalo nga ubos sa 4ID,Philippine Army nga adunay operation control sa Northern Mindanao ug Caraga regions.
Kini human siya gituboy ni Pres Bongbong Marcos nga mihulip kang Brig Gen Consolito Yecla nga nagsilbing acting commander sa pag-retiro ni Major General Jose Maria Cuerpo sa miaging semana.
Si Anayron ang lumad nga taga-Miamis Oriental ug nagsilbi usab kaniadto nga tigpamaba sa 4ID sa taas nga panahon.Tipik sa iyang pasiunang mando nga dili manginlabot sa politika ang mga sundalo nga ubos sa iyang kontro.
Himoon ang pag-instolar kaniya sa Camp Evangelista ugmang adlawa.
Dili pa makompirmar kon subli mobalik si Philippine Army commanding officer Lt Gen Roy Galido sa syudad aron maoy mag-instolar kang Anayron isip bag-ong kumander sa dibisyon.
Si Anayron kasamtangang nangulo isip kumander sa 403rd IB nga nakabase sa Bukidnon sa wala pa tahasi sa higher headquarters nga panguluhan ang 4ID.
