CAGAYAN DE ORO CITY – Nagsugod na sa iyang opisyal nga tahas isip ika-53 nga commanding officer sa 4th Infantry Division,Philippine Army si incoming Major General Michelle Anayron Jr nga aron panguluhan ang mga sundalo sa Northern Mindanao ug Caraga regions.
Kini human pangululi ni Philippine Army commanding general Lt Gen Roy Galido ang turnover ceremony tali kanila ni Anayron ug kang acting 4ID commanding officer Brig Gen Consolito Yecla sulod sa Kampo Evangelista,Brgy Patag ning syudad kaganihang buntag.
Gisaksihan ang maong seremonya sa mga senior ug junior army officers nga ubos sa kontrol sa 4ID,Philippine Army ingo man ni Police Regional Office 10 Director Brig Gen Jaysen De Guzman,mga retiradong mga opisyal ug elected government officials.
Siya miingon nga kon unsa man ang mandato nga gisangon sa nasudnong gobierno,kini usab ang ipadayon niya’g patuman sulod sa nabiling mga tuig niini sa pag-serbisyong pang-sundalo.
Si Anayron nga lumad taga-Sugbongcogon,Misamis Oriental ang kanhi 403rd IB,Philippine Army commander nga nakabase sa Bukidnon.
Si Anayron kinsa sakop sa Philippine Military Academy ‘Tanglaw-Diwa Class of 1992 ang mipuli sa nag-retiro nga si Major General Jose Maria Cuerpo II diin si Yecla ang temporary mihulip ayha ang pormal nga seremonya nga gipanguluhan ni Galido ning adlawa.
