CAGAYAN DE ORO CITY – Gitudlo ni Pope Francis si Bishop Jose Cabantan nga dumalahon ang Metropolitan Archdiocese of Cagayan de Oro.
Kini nunot usab sa taud-taod nang tinguha ni Cagayan de Oro Archbishop Antonio Ledesma nga mo-retiro na sa serbisyo.
Si Cabantan kinsa lumad taga-Lagonglong,Misamis Oriental ang nagsilbing obispo sa Diocese of Malaybalay City,Bukidnon tuig 2010.
Nahuptan niini ang master’s degree sa Pastoral Ministry sa St. John Vianney Theological seminary ning syudad,Licentiate in Sacred Theology sa Loyola School of Theology sa kauluhan.
Nagkuha usab kini sa bachelor’s degree sa Chemical Engineering sa Cebu Institute of Technology.
Naordinahan pagka-pari niadtong Abril 30, 1990 sa Lagonglong sa Metropolitan Archdiocese of Cagayan de Oro.
Nahimo nga associate pastor sa Cathedral gikan sa 1991 -1995 ug usab administrador sa San Roque parish sa Catarman, Camiguin.Gitudlo nga Dean of Studies sa San Jose de Mindanao Seminary sa Cagayan de Oro sa tuig 1995 -1997.
Nagsilbi usab kini nga President sa Episcopal Commission for Basic Communities ubos sa CBCP.
