(Update) CAGAYAN DE ORO CITY -Nakasuhan na sa pagsupak sa Revised Penal Code o adultery ang ginang nga govt nurse ug ang giingong ka-relasyon niini nga sundalo sa piskalya ning syudad.
Gibutyag ni COCPO spokesperson Maj Evan Viñas nga maoy gikasuhan si Jane Diaz,32 anyos ug Philippine Marine Corp member PFC Junas Lyster Florex kinsa nasapon sulod sa gisak-ang kuwarto sa Phase 1,Bongbongon,Brgy Kauswagan sa miaging Domingo.
Miingon si Viñas nga unang nangayo’g tabang si Police Cpl Dary Ray Diaz sa iyang tropa sa City Mobile Force Company tungod sa pagbudhi sa kapikas hinungdang gikasa ang entrapment operation.
Nag-atubang usab sa gun ban violation sa Comelec si Flores kay nakuhaa’g kalibre 45 nga armas ug magazines nga loaded sa mga bala atol sa operasyon.
