Misleading! Mao kini ang komento ni Prof. Anna Malindog-Uy, usa ka geopolitical analyst, kung gamiton sa administrasyong Marcos ang pag-label sa World Bank sa Pilipinas isip upper middle income base sa statistical nga kalkulasyon sa Gross National Income.
Gipasabot niya nga makapahisalaag kung angkonon kini nga kalampusan sa kasamtangang kagamhanan tungod kay ang maong status usa ka cumulative nga agi gikan pa sa mga nangaging katuigan.
Gilantaw pa sa analista nga ang maong klasipikasyon walay tinuod nga kalambigitan sa inadlaw-adlaw nga realidad ug kahimtang sa kinabuhi sa mga ordinaryong lungsoranon sa yuta.
Hinoon, gipamugos ni Malindog-Uy nga ang nasud nag-atubang karon og daghang seryosong mga hagit sa ekonomiya nga wala makita sa maong estadistika.
