CAGAYAN DE ORO CITY-Nasikop sa gilusad nga search warrant operation sa PDEA-10 ang brgy kapitana kuyog ang usa ka negosyante sa Brgy Labuyo,Tangub City,Misamis Occidental kagahapong adlawa.
Namahayag si PDEA regional director Adrian Alvariño nga maoy nasikop sa ilang operatiba ang mga suspek nga si Labuyo Brgy Kapitana Mary Ann Padillo Angcap,41 anyos,minyo ug Danilo Pabadora Aballe,51 anyos,minyo nga pulos nagpuyo sa maong lugar.
Miingon si Alvariño nga nakompiskar gikan sa mga suspek ang 24 gramos nga gitoohang shabu diin balor sa 125-mil pesos.
Nakuha usab gikan sa duruha ang kalibre 45 nga armas ug mga bala atol sa operasyon.
Kasuhan sa PDEA operatives ang mga suspek sa paghugpot ug pagbaliya’g gidiling droga ug ilegal pagbaton sa armas sa piskalya sa maong lugar ning adlawa.
