CAGAYAN DE ORO CITY, Philippines – Gideklarar na ang tibook Misamis Occidental isip Insurgency Free Province.
Sa pagbisita ni Presidente Ferdinand Marcos, Jr., sa Tangub City, personal nga gitunol ni MisOcc Governor Henry Oaminal ang kopya sa resolusyon sa Sangguniang Panglalawigan nga nagdeklarar sa insurgency-free status sa probinsya.
Gipasalamatan sa gobernador ang hiniusang pagpaningkamot sa Philippine National Police – Misamis Occidental Police Provincial Office, Armed Forces of the Philippines, Department of Social Welfare and Development ug uban pang attached agencies nga nagtinabanga aron mapatahan ang mga rebelde ug nahatagan sa desente nga kinabuhi.
Sa samang higayon, gitunulan sa provincial government sa pinansyal nga ayuda ang 120 ka mga kanhi rebelde pinaagi sa PAyapa at MAsaganang PamayaNAn (PAMANA) program sa Department DSWD – Region X.
