Dili palabyon ni Gabriela Partylist Representative Sarah Elago nang gi-ingong “misogynistic” ug insulto nga mga pahayag batok kaniya ni abogado Ferdinand Topacio.
Miingon si Elago nga kasamtangan nilang gina-review ang posibleng legal nga lakang aron mapanubag ang abogado.
Iyang gi-uyonan nga ang ingon nga pamatasan walay lugar sa bisan unsang espasyo, labi na sa pampublikong diskurso, ug kinahanglan nga manubag si Topacio sa iyang mga gisulti.
Gidugang pa ni Elago nga dili madawat ang mga mapangdaut nga pahayag batok kaniya ug sa kababaihan sa kinatibuk-an, ug iyang gi-saad nga magpadayon siya sa pakigbisog aron barugan ang dignidad ug katungod sa mga kababaihan.
Gipasabot usab niya nga walay bisan kinsa ang dapat mahimong labaw sa balaod, ilabi na kung ang ilang mga pulong nagpalig-on sa diskriminasyon ug pagpang-insulto batok sa kababaihan. (By Phillip Ariata)
