CAGAYAN DE ORO CITY-Gisaway ni City Mayor Oscar Moreno ang kagamay nga proposed 2019 provincial
budget alang sa operational expenses sa kapitolyo probinsyal sa Misamis Oriental.
Kini human nagtoo si Moreno
nga dili mahatagan sa maayong serbisyo ang katawhan sa lalawigan gamit ang 3.4 bilyon pesos nga pondo
nga gipangayo ni Gov Bambi Emano sa Sangguniang Panlalalawigan.
Miingon si Moreno nga nagpakita lamang kini nga daw walay ambisyon si Emano kon unsaon ang paghatag serbisyo sa kagamay sa pondo nga
gipangayo niini alang sa sunod tuig.
Samtang gipadumduman ni Provincial Gov Bambi Emano si Moreno sa dakong utang nga gihimo niini diin ang katawhan sa lalawigan ang padayong nagbayad hangtod ning panahona.
Kini ang tubag ni Emano sa pagbiay-biay ni Moreno kon nganong gamay’ng pondo lamang ang gi-alokar alang sa sunod tuig nga pondo sa lalawigan.
Miingon si Emano nga dili niini tinguha nga maghinobra ang kadako sa pangayoon nga pondo aron kalikayan nga mahisama daw kang Moreno nga magdako usab ang gahin alang sa madawat nga intelligence funds.
