Subhan na sa dili madugay sa provincial govt sa Misamis Oriental ug kompayang A Brown ang nauyunan nila nga katukuran sa pipila ka commercial buildings sulod sa compound sa kapitolyo probinsyal ning syudad.
Kini human napalig-on pa ang gisudlan nga joint venture agreement tali sa duha ka panig aron modugang sa kinitaan sa probinsya ang ibubuo nga pamuhunan sa maong kompanya.
Namahayag si Provincial Administrator John Venice Ladaga nga sukwahi sa mga pagsaway ug pagduda sa ilang mga kritiko,wala ibutang ni Provincial Gov Peter Unabia sa dakong peligro ang interes sa katawhan sa gisudlan nga transaksyon.
Pasiunang gigahinan ang JVA sa 2.5 bilyones pesos gikan sa kompanya.
Dumduman nga sa pagbuto sa maong isyu,gilayong nagpadayag sa kahingawa ni kanhi Misamis Oriental Vice Gov. Joey Pelaez kabahin sa posibleng dala nga risgo sa JVA alang sa katawhan sa lalawigan.
Siya miingon nga lisod saligan ang maong transaksyon ilabina nga daw dili sihag ang pagbuhat niini.
