Luna-Capitol roads diin nahitabuan sa pag-ambush kang Supt Michael John Deloso
CAGAYAN DE ORO CITY-Nagdugang sa puwersa aron mahugtan pa ang seguridad sa bisinidad sa kapitolyo probinsyal ning syudad.
Kini human miagi ang mga kriminal aron unta hunusan sa kinabuhi pinaagi sa pag-ambush si Supt Michael John Deloso samtang nakasakay sa Nissan Ultravan sa Luna-Capitol Streets sa syudad sa miaging semana.
Miingon si Provincial administrator Atty Jocelyn Mateo nga may mga gipatuman sila nga security adjustments aron makuhaa’g background ang mosulod-gawas sa kapitolyo.
Nasayran nga mismo pa si PDRRMO head Fernando Dy Jr ang unang nag-responde aron mapakalma si Deloso samtang gipugngan nga mahutdan sa dugo tungod sa daghang igo pinusilan ang lawas gikan sa mga suspek nga armado sa 9mm pistol ug kalibre 45 nga armas.
