CAGAYAN DE ORO CITY – Mahimo nang 20 pesos per kilo ang palit sa bugas-humay sa National Food Authority o NFA partikular sa mga mag-uuma nga gikan sa Misamis Oriental.
Kini human mialokar si Gov Bambi Emano sa dos pesos nga dugang pangpalit sa abot sa mga mag-uuma sa ilang kaumahan nga sagad nila ibaligya sa NFA sa balor 18 pesos kada-kilo.
Miingon si Provincial Agriculturist Apollo Pacamalan nga pag-abag kini sa probinsya tungod sa epekto sa Rice Tarrification Law diin nakasinati sa grabeng pagkalugi ang mga mag-uuma sa nasud.
Hisayrang tungod sa maong balaod,naghinobra na ang imported rice samtang nalugi usab ang mga mag-uuma tungod sa kabarato sa ilang mga na-harvest nga abot sa basakan.
