CAGAYAN DE ORO CITY-Gipanalipdan karon sa 58th IB sa 4th ID,Philippine Army kon nganong wala nila mapugngi ang 60 ngadto 100 ka sakop sa rebeldeng New People’s Army o NPA diha sa Purok 4 Brgy Pahindong, Medina, Misamis Oriental kagahapon sa buntag.
Kini bisan nga gibutyag sa militar nga huyang na ang kalihukan sa NPA sa lalawigan.
Gibutyag ni 58th IB spokesperson 1Lt Janelle Diaz nga ang gihimong road re-blocking sa mga rebelde ang pagpangita lamang sa ilang gamay’ng puwersa.
Una niini,30 ka sakyanan ang napara sa mga rebelde pinanguluhan sa usa ka Richard Manseguiao alyas Kumander Macong gikan sa Guerilla Front Committee 4-B.
Samtang gihugtan pa sa PNP-10 ang ilang koordinasyon ngadto sa 4th ID,Philippine Army aron mapugngan ang mga kalihukan sa rebeldeng New People’s Army o NPA dinhi sa rehiyon.
Kini human una nang nanganti ang mga rebelde nga mohimo’g opensiba sa kapolisan ug militar.
Gihimo ni PNP-10 spokesperson Supt Lemuel Gonda ang pahayag tungod sa road re-blocking sa mga rebelde sa highway sa Medina,Misamis Oriental kagahapon sa buntag.
Una nang nadagit sa mga rebelde ang usa ka PO2 Anthony Jerome Natividad atol sa gilusad nila checkpoint sa lungsod sa Talakag,Bukidnon niadtong Pebrero 9 ning tuiga.
