CAGAYAN DE ORO CITY – Dili isalikway ubos sa kondisyon nga dili mohimo’g kasamot ang mga pamilyang bakwit gikan sa lungsod sa Lagonglong ning lalawigan nga kasamtangang midangop sa UCCP sa Brgy Macasandig ning syudad.
Kini human unang gipapahawa sila sa ilang gipondohan sa kapitolyo probinsyal gumikan sa pagsupak-supak sa pipila ka gabayan sulod sa De Lara Park sa syudad sa miaging Hunyo ning tuiga.
Namahayag si City Mayor Oscar Moreno nga kon dili lamang makahimo’g kagubot ang mga bakwit,dili sila hilabtan kay may katungod usab kini manimuyo nga malinawon nga girantiya sa batakang sa balaod sa nasud.
Samtang gibutyag ni Gov Bambi Emano nga andam pa gihapon siya nga makigdayalogo sa mga bakwit nga una nang gi-demolish diha sa De lara Park ning syudad.
Matud ni Emano nga andam gihapon siya nga motunol hinabang sa mga bakwit ug tabangan makabalik sa ilang tagsa-tagsa ka mga panimalay sa Brgy Banglay, Lagonglong Misamis Oriental.
Dugang sa gobernador nga wala niya biya-i ang mga bakwit apan tungod kay wala sila misunod sa sabot hinungdan nga gi-demolish ang ilang pinuy-anan.
Hisayran nga kasamtangan karon nga nagpasilong sa UCCP sa Brgy Macasandig ang mga bakwit.
Una niini,gibutyag sa lumad lider nga si Reynaldo Ayuma alyas Datu Maghuhukom nga hangtod dili ipapahawa ni Emano ang militar sa ilang lugar,wala sila’y plano mouli ug magpabilin na lamang dinhi sa syudad.
