CAGAYAN DE ORO CITY-Posibleng masilotan sa tibook kinabuhi nga pagkabilanggo ang punong-barangay nga nadakpan tungod sa ilegal nga droga ug pagbaton sa eksplosibo diha sa Zone 4, Barangay Patag, Opol,Misamis Oriental.
Matud ni Sr/Insp. Dennis Flores, ang hepe sa Opol Municipal Police Station nga anaa sa ilang listahan isip narco-politician ang suspek nga si Hermito Laid Jr, residente ug incumbent Barangay Captain sa maong lugar.
Siya nakuhaan og 9 ka sachet sa drugang shabu nga nagkantidad sa P4,500 ug usa ka granada sulod sa iyang panimalay. Si Laid ang kabahin sa nagpapili sa umalabot sa Barangay ug SK elections.
Samtang gipamugos ni Laid nga planted ang shabu ug granada nga nakuha sa mga pulis sulod sa iyang panimalay. Siya miingon nga wala gisunod sa mga operatiba ang insaktong gabayan sa pagsilbi og search warrant.
Gikwestyon sa suspek kung nganong kalit misulod ang mga pulis sa ilang balay ug ulahi na miabot ang mga brgy kagawad nga magsilbing witness sa operasyon.
Tungod niini, naglaraw ang kapitan nga mokonsulta’g abogado aron maprotehiran ang iyang katungod.
Samtang giangkon ni Baranggot nga maapektuhan ang line-up sa pagkadakpi ni Laid tungod sa ilegal nga droga ug pagbaton sa eksplosibo.
Si Baranggot miingon nga wala siya’y kasayuran sa kalambigitan sa ilang kapitan sa ilegal nga droga.
Apan bisan, ilang paningkamutan nga ikampaniya ang kadaugan niini ilabina nga nagtoo sila nga walay sala ang ilang punong barangay.
