CAGAYAN DE ORO CITY-Nabungkag sa hiniusang puwersa sa kapolisan ang cybersex den nga gipadagan sa usa ka bayot sa Brgy 13,Gingoog City,Misamis Oriental.
Kini human nasikop sa kapolisan ang tag-iya sa maong sex den nga si Roel Ruiz kuyog ang laing pito ka kauban atol sa pagronda sa apartment diin sila nag-operate sa maong syudad.
Gibutyag ni Gingoog City Police Station commander Supt Roel Lami-ing nga napasaka nila ang kaso nga pagsupak sa Anti-Cybercrime Law batok sa mga suspek sa piskalya kagahapong adlawa.
Si Lami-ing miingon nga dako nga sindikato ang grupo ni Ruiz diin may mga kontak usab sila sa ubang lugar sa nasud.
Una nang nabawi ang daghang paraphernalia sa sex den,salaping cash ug foreign accounts gikan sa posisyon sa mga suspek diin lima ka nila ang gikan pa sa Surigao del Sur.
