CAGAYAN DE ORO CITY – Depensahan sa suspected high value individual o HVI ang kasong pagsupak sa Republic Act 9165 o Comprehensive Dangerous Drugs Act of 2002 sa piskalya sa Misamis Oriental.
Kini human nasignit sa kapolisan pinaagi sa paglusad sa search operation ang suspek nga gi-alyasan lang nila nga si Sid Deloso,37 anyos nga nagpuyo sa Purok 3, San Vicente, Casinglot, Tagoloan, Misamis Oriental.
Matud ni Misamis Oriental Police Provincial Director Col Wilbur Salaguste nga maoy nakompiskar sa mga operatiba sa Tagoloan Police Station ang sobra 150 gramos nga gitoohang shabu nga nagkantidad sa kapin uno-milyones pesos.
Siya miingon nga gilayong gipaubos sa imbentaryo ang nangakuha nga mga ebedensiya aron gamiton sa pagdungog sa kaso sa korte.
