CAGAYAN DE ORO CITY – Representahan sa taga-Misamis Oriental nga si 2021 Ms Universe Philippines candidate Chella Falconer ang ikaduhang edisyon sa Ms Elite nga himoon sa Soma Bay,Red Sea, Egypt sa Mayo 20 ning tuiga.
Siya ang mosunod sa mga tunob ni Ms Elite 1st runner up Shanon Tampon gikan sa Pilipinas nga maoy gipadala sa mao gihapon nga nasud sa miaging tuig.
Masaligon ang beauty enthuasiasts nga nagsalig sa kapas ug kaanyag ni Chella nga unta kini ang mosakmit sa pinakaunang titulo sa maong indigay alang sa Pilipinas.
Siya miingon nga kini ang pinakaunang international pageant nga iyang apilan dala ang bandila sa Pilipinas hinungdang mopaubos kini sa subsob nga pag-ensayo.
Si Chella nga produkto usab sa Kuyamis Festival sa panahon ni kanhi gobernador ug karon Misamis Oriental 2nd District Cong. Bambi Emano ang giila usab nga 1st runner sa Ms Bikini Open sa miaging katuigan.
Hisayrang maoy naghawid sa korona sa Ms Elite 2022 si Indian beauty queen Deep Supriyam nga close-rival ni Pinay 1st runner up Shanon.
