CAGAYAN DE ORO CITY – Naulawan pag-ayo ang pamilya sa trabahante nga nakasab-an sa municipal mayor tungod lamang sa isyu sa papangayo’g endorsement ayha malubong ang minatay diha sa Brgy Sta,Tagoloan,Misamis Oriental.
Kini human nag-viral ang video nga ginawong-nawong ni Tagoloan Mayor Gomer ‘Enan’ Sabio pagkasaba si Charito Sol kinsa giakusahan nga naglisod-lisod sa kliyente nga mahataga’g permit nga malubong ang namatay niini nga mahal sa kinbuhi sa miaging semana.
Miingon si Sol nga dili tiaw ang gibati niya nga kaulaw sa gihimo sa mayor ilabina nga giakusahan kini nga namolitika sa pagpalubong sa mga minatay sa menteryo sa ilang brgy.
Samtang gitawag ni Tagoloan Mayor Gomer ‘Enan’ Sabio nga inotil ang palisya diin kinahanglang mangayo pa’g endorsement sa munisipyo ayha malubong ang usa ka tawo nga malubong diha sa ilang lungsod.
Kini ang rason nga nakasab-an ni Sabio si Sol kay midangop kaniya si Jurindia Sario tungod kay gipabalik-balik kini aron makakuha’g burial permit.
Miingon si Sabio nga gi-kuwestiyon niya ang maong palisya apan wala makatubag si Sol ug brgy kapitan rason nga nasuko kini.
Gani,nanganti si Sabio nga kasuhan si Sol kay daw nakasupak sa balaod ug kamanduan ni Pres Rodrigo Duterte nga silbihan ang katawhan.
Una niini,gibutyag ni Sario nga sad-an si Sol kay gipugos kini pagpakuha’g endorsement gikan kanila ni Tagoloan Vice Mayor Robinson Sabio ug Municipal Kag Roger Achas.
