CAGAYAN DE ORO CITY-Detinado ang brgy kagawad nga gikonsiderar nga no.7 most high value target sa Brgy Matangad, Gitagum,Misamis Oriental.
Kini human nasikop sa hiniusang police unit operations ang suspek nga si Matangad Brgy Kag Dario Loreche,40 anyos,ulitawo ug nagpuyo sa maong lugar.
Nangulo sa operasyon si Gitagum Police Station commander Sr/Insp Joan Galvez diin nakuha gikan kang Loreche ang suspected shabu,kuwarta ug drug paraphernalia.
Wala na makalihok ang suspek tungod sa presensiya sa nagkadaiyang police units gikan sa lalawigan ug PNP-10 aron kini masikop.
Kasuhan sa pagbaligya’g gidiling droga ang suspek sa piskalya sa adlaw’ng Martes.
