CAGAYAN DE ORO CITY-Napasaka na ang kasong murder batok kanhi Brgy Kapitan Seno Dragon ug laing duha ka kauban sa provincial prosecutor’s office sa syudad.
Kini human akusahi ni Malanang Brgy Kapitan-elect Nilda Zafra nga grup ni Dragon ang mi-ambush sa ilang convoy diin nag-resulta sa kamatayon sa iyang bana nga si Eliezer sa Opol ning lalawigan sa besperas sa piliay sa brgy.
Miingon si Opol Police Station commander Sr/Insp Dennis Flores nga gitudlo sa lima ka testigo si Dragon nga
direktang nalambigit sa maong kremin.
Una niini,gihimakak ni Dragon ang pasangil ug namugos nga grupo sa magtiayong Zafra ang mihimo’g kremin ug igo lamang nila kini gi-respondehan sa miaging gabii.
