CAGAYAN DE ORO CITY-Gikoronahan isip reigning 2017 Ms Scuba Philippines si Misamis Oriental candidate no.15 Sherlyn Doloriel sa gihimo nga coronation night sa Plaza Atrium,Resorts World Manila kagabii.
Kini human gipildi ni Doloriel ang laing 14 ka pa dihang nagtigi sa kaalam ug kaanyag ang ocean ambassadors nga naggikan sa 15 ka nag-unang lugar sa Pilipinas.
Si Sherlyn kinsa reigning best in swimsuit attire sa bag-uhay pang natapos nga Ms Earth Philippines 2017 ang mo-presentar alang sa Pilipinas Ms Scuba International sa Kota Kinabalu,Sabah,Malaysia sa Nobyembre 18,2017.
Dumduman nga si Doloriel ang una nang early favorite aron modaug sa kompetisyon diin nakuha usab niini ang pagsilbing Darling of the Press dihang sila gipaila-ila sa media sa Pasay City niadtong Setyembre 2017.
Si Sherlyn ang usa usab licensed Professional Association of Diving Instructors o PADI scuba diver ang nagsilbi Ms Cagayan de Oro City sa miaging tuig 2016.
Hisayrang kusganon ang suporta nga gipaabot sa local government unit sa Misamis Oriental ilabina sa adbokasiya ni Sherlyn kabahin sa proteksyon sa kinaiyahan ug promosyon sa turismo.
