CAGAYAN DE ORO CITY – Gipangayo sa grupo sa mga dagkong negosyante sa dakbayan ug Misamis Oriental ang epidemiological matrix o scientific data sa mga apektado sa coronavirus disease o Covid 19 sa rehiyon.
Miingon si Oro Chamber of Commerce focal person Irene Floro nga mao kini ang ilang gamiton nga gabayan kon gikinahanglan na ba nga subling buksan ang mga establishimento taliwala sa enhanced community quarantine.
Siya miingon nga daghan sa mga negosyo ang naapektuhan ingon man ang panginabuhian sa katahan.Hisayran nga ang lalawigan gilangkoban sa 48 porsento sa serbisyo sa negosyo, 33 porsento sa agrikultura ug 17.9 porsento sa industriya.
Sagad sa mga negosyo nga apektado sa community quarantine ang tourism and leisure; aviation and maritime; automotive industry; construction and real estate; manufacturing of non-essentials; financial services; education ug oil and gas.
