CAGAYAN DE ORO CITY – Gihagit ni kanhi City Mayor Oscar Moreno sila District 2 Cong.Rufus Rodriguez ingon man Misamis Oriental 1st District Cong.Christian Unabia nga paluyuhan kon adunay katuyuan nga imbestigaran ang isyu sa panubig sa dakbayan didto sa kamarabaha.
Kini human unang nasulti ni Cagayan de Oro 1st District Cong. Lordan Suan nga gipaluyuhan usab ni Misamis Oriental District 2.Cong. Bambi Emano nga dunay pagdangop niini nga isyu sa atensyon ni House Speaker Martin Romualdez.
Namahayag si Moreno nga labing maayo kon maghiusa ang upat ka kongresista sa syudad ug lalawigan aron masiguro nga dili na mabutang sa disbintaha ang panig sa katawhan ug investors sama sa Metropac Waters nga nakig-kontrata sa Cagayan de Oro Water District o COWD.
Una nang nag-imbestigar ang city govt pinaagi sa city council diin sa ilang inisyal nga findings,gi-rekomendar nila sa buhatan ni City Mayor Rolando ‘Klarex’ Uy nga ipa-kanselar ang kontra sa Metropac pinaagi sa Cagayan de Oro Bulk Water Incorporated o COBI ngadto sa COWD.
