CAGAYAN DE ORO CITY-Gihagit ni City Mayor Oscar Moreno nga ipakita sa katawhan ang kaugalingong pagka-bayani niini sa kasamtangang panahon.
Kini sa tuyo nga mabatunan ang susamang kaisog sa mga beterano nga nakig-gubat kaniadto batok sa mga sundalong Hapon nga mi-okupar sa nasud.
Gipasabot ni Moreno nga ang kaisog nga angay batunan sa katawhan mao nga kon unsaon nga mabatukan ang mga pagsulay nga tuyo moguba sa gibilin nga legasiya sa unang mga kaliwat-Pilipihon.
Gihimo ni Moreno mismo sa pagdumdom sa katawhan sa ika-76 ka tuig nga Araw ng Kagitingan mismo sa tiilan ni Gat Andres Bonifacio sa Divisoria ning syudad kagahapon sa buntag.
Samtang giawhag ni Misamis Oriental Gov Yevgeney Bambi Emano ang katawhan nga magsilbing inspirasyon ang “Araw ng Kagitingan” nga gibuhisan sa libuang kinabuhi sa nasud.
Miingon si Emano nga dili lamang kutob sa pag-enjoy sa “long holiday” ang bation sa katawhang-Pilipinhon apan himoong taytayan ang sakripisyo ang kinabuhi sa mga sundalo nga namatay aron panalipdan ang tibook nasud batok sa tropang langyaw.
Mismo ning adlawa,hataga’g pagyukbo sa lalawigan ang mga beteranong-Pilipinhon atol sa flag raising ceremony sa
kapitolyo.
