CAGAYAN DE ORO CITY-Dismayado ang grupo sa Misamis Oriental-Cagayan de Oro Lotto Agents Association o MOCLAAI sa daw inotil nga aksyon sa PNP-10 ug NBI-10 batok sa pagsumpo sa ilegal nga pasugal dinhi sa rehiyon.
Kini bisan sa gilugwa nga kamanduan ni Pres Rodrigo Duterte nga hingpit pagsumpo ug pagpangdakop sa bigtime gambling lords ilabina dinhi sa syudad ug lalawigan.
Si MOCLAAI Pres Astrid Bana miingon nga anaa na karon sa full blast illegal gambling operations hinungdan nga anaa sa pag-ubos sa ilang kinitaan.
Dugtong niini,gitakdang mohimo’g panagtigom ang mga miembro sa grupo aron tukion ang pagsulod nila sa small town lottery diin ipahigayon sa Buffalo Grill takdo ala una sa hapon diha sa Velez Street sa syudad.
