CAGAYAN DE ORO CITY – Negatibo sa mga kandidato sa pagka-Sangguniang Kabataan (SK) ang Misamis Oriental ug Cagayan de Oro City nga gipugngan nga ma-deklara isip mananaug sa milabay’ng 2023 brgy elections.
Kini ang giklaro ni Misamis Oriental Provincial Election Supervisor Atty. Carlito Ravelo kabahin sa gisulti ni Comelec chairman Atty George Erwin Garcia nga anaa sa 253 ka winning candidates nga wala kalingkod kay nag-atubang sa kasong vote buying sa milabay’ng piliay.
Miingon si Ravelo nga posibleng naggikan kini nga winning candidates sa ubang mga lugar nga nasapon ug napamatud-an sa komisyon nga milambigit sa pinalitay sa mga boto.
Una niini,miingon si Garcia nga pamatood kini nga seryoso ang Comelec batok sa mga kandidato ug bisan sa mga botante nga mihimo’g vote buying nga dakong kasupakan sa balaod.
Hisayrang giila ang kabataan nga paglaum sa sunod nga henerasyon apan miapil na sa kahugaw sa dula sa politika pinaagi sa paghimo’g pipila ka hinangal nga posibleng nakuha usab nila gikan sa mga hamtong mga politiko.
