CAGAYAN DE ORO CITY – Gikompirmar ni Provincial Election Supervisor Atty Alile Ramirez nga halos gatos-porsiento na nga naka-file sa ilang statements of contributions and expenditures o SOCEs ang mga kandidato sa nunot sa May 9 elections sa Misamis Oriental.
Kini human mihupas na ang gihatag sa ahensiya nga SOCE filing ngadto sa tanang midaug ug naparot nga mga kandidato.
Gibutyag ni Ramirez nga halos tanan sa mga midaug ug bisan kadtong wala palari sa provincial level ang nakaduso na sa maong dokumento ayha nagsira ang petsa sa pagsira niini kagahapong adlawa.
Siya miingon nga gihulat usab niya ang opisyal nga listahan gikan sa component cities ug municipal offices ayha nila ipadala sa ilang central office.
Samtang gi-diskorahe ni City Election Officer Atty Rowell Valledor ang winning candidates nga dili na paabuton nga mahupas ang unom ka bulan ayha sila moduso sa ilang SOCEs.
Kini aron dili sila ma-teknikal sa ilang paglingkod sa nagkadaiyang posisyon nga nadag-an nila sa milabay’ng piliay ning syudad.
Gibutyag ni Valledor nga anaa sa 73 ka kandidato ang anaa sa ilang listahan apan may pipila kanila ang pakyas makapatim-aw sa buhatan nila hangtod kagahapong adlawa.
Sa mga mapakyas makaduso sa SOCE,mag-atubang kini sa monetary penalties ug disqualification maka-asyumar sa bisan unsa nga govt post.
Dugtong usab niini,epektibo sa Hunyo 30,mangbalik na sa ilang tagsa-tagsa ka orihinal nga assignment ang regional director padulong sa municipal officer ubos sa Comelec 10.
Kini human unang gi-reshaffle ang Comelec officers sa wala pa ang campaign period aron kalikayan nga magubat ang kredibilidad sa piliay.
Gibutyag ni Ramirez nga ang maong kamanduan ang naggikan sa ilang central office nga gipakanaug aron sila makaandam sa pagbalik sa mga original post niini.
Si Atty Reynato Magbutay nga maoy regional director sa Comelec 10 ang gihulipan ni Atty Francisco Pobe Jr nga gikan usab sa Caraga region.
Nunot niini,gikonsiderar sa Police Regional Office 10 nga labing malinawon nga presidential ug local elections ang May 9 dinhi sa Northern Mindanao.
Kini human mitala ang rehiyon sa usa lamang ka kompirmadong election related incident sa miaging piliay.
Gibutyag ni PR0 10 spokesperson Lt Col Michelle Olaivar nga maoy ilang gitumbok ang kasong pagpamusil sa Calamba mayoralty candidate diin nakasuhan na usab ang utok sa maong kremin.
Siya miingon nga mitala usab sa 85 ka armas ang nakompiskar sa gun ban violation ug gatos ka tawo ang nakasuhan sukad gipatuman gipaubos sa election period ang Northern Mindanao.
