CAGAYAN DE ORO CITY-Ipa-activate ni City Mayor Oscar Moreno ang emergency operation center ug incident management team epektibo ning adlawa.
Kini tungod sa bahad sa bagyong Vinta diin anaa sa public storm signal no. 1 ang syudad ug laing upat ka lalawigan ning rehiyon.
Gibutyag ni CDDRRMD head Allan Porcadilla nga nakaandam na ang tanang disaster clusters nga nakabase sa kabarangayan aron giyahan ang katawhan sa angay buhaton kon moagi sa rehiyon ang bagyong Vinta ning adlawa o ugmang adlawa.
Samtang gipaubos na usab sa code blue ni Provincial Gov Bambi Emano ang lalawigan sa Misamis Oriental ning adlawa.
Kini ilabina nga kabahin ang lalawigan nga gipaubos sa public storm signal no.1 nga epekto sa bagyong Vinta nga ulahing nasiplatan sa Caraga Region.
Gibutyag ni PDRRMD head Fernando Dy Jr nga nakaandam na ang ilang puwersa kuyog ang mga kaabag nila sa nagkadaiyang brgy sa lalawigan.
Una nang gibutyag sa PAG-ASA nga paghuman mo-landfall sa bagyo sa Caraga o Davao region,moagi kini sa lungsod sa Claveria ning lalawigan.
