CAGAYAN DE ORO CITY-Moduyog si 2017 Ms Scuba Philippines Sherlyn Doloriel sa pagsaksi sa nasudnong bandila sa kapitolyo probinsyal karong buntag.
Kini samtang dili pa mohimo’g motorkada sa pipila ka nag-unang kadalanan sa syudad.
Himoon sa Xavier Univeristy alumnae ang paglibot sa syudad isip pagpaabot sa pasalamat sa katawhan nga naghatag suporta sa iyang kampanya aron makuha ang titulo sa maong kompetisyon.
Gitakda usab nga bisitahon sa 26 anyos nga dalaga ang usa ka Agutayan White Island sa lungsod sa Jasaan ning lalawigan ugmang adlawa.
Gilayong mobalik ra usab si Doloriel sa kauluhan pag-abot sa adlaw’ng Miyerkules aron pangandaman ang pag-representar sa Pilipinas sa Ms Scuba International sa Malaysia sa Nobyembre 18 ning tuiga.
Hisayrang si Doloriel ang kanhi Ms Cagayan de Oro 2016 ug mi-representar sa Misamis Oriental sa 2017 Ms Scuba Philippines sa kauluhan niadtong Oktubre 10 ning tuiga.
