CAGAYAN DE ORO CITY-Giawhag karon ni 2017 Ms Scuba Philippines Sherlyn Legaspi Doloriel ang katawhan nga ipaabot ang ilang suporta samtang representahan ang Pilipinas didto sa Kota Kinabau,Sabah,Malaysia sa Nobyembre 18 ning tuiga.
Gihimo sa 23 anyos nga si Doloriel ang hangyo dihang siya ang gikoronahan sa coronation night sa maong indigay sa kauluhan sa miaging gabii.
Dugtong niini,nagpasalamat usab si Doloriel sa katawhan sa Misamis Oriental nga nagpaabot sa ilang suporta aron makab-ot ang korona sa maong indigay.
Gani,mismo pa si Gov Bambi Emano ang nangunay paghatag moral support kang Sherlyn samtang nakigtigi sa ka seksi,kaanyag ug kaalam batok sa laing 14 ka kandidata sa kauluhan.
Si Doloriel ang lumad taga Brgy Lapasan ning syudad ug nagsilbi usab nga 2016 Ms Cagayan de Oro City.
